ЖАРда муҳожирларга қарши намойишлар бошланди
Жанубий Африка Республикасининг бир қатор шаҳарларида муҳожирларга қарши намойишлар бўлиб ўтди.
Кеча, 30 июнь куни хорижликлар мамлакатни тарк этиши учун белгиланган «охирги муддат» якунланди. Бу ультиматумни бир нечта маҳаллий антимигрант ҳаракатлари илгари сурган эди.
Тартибсизликлар, талон-торож ва муҳожирларга нисбатан зўравонликларнинг олдини олиш мақсадида полиция кўчалардаги назоратни кучайтирган.
Ҳозирга қадар қарийб 25 минг нафар хорижлик ЖАРни тарк этган. Уларнинг аксарияти бошқа Африка давлатлари фуқароларидир.
