JARda muhojirlarga qarshi namoyishlar boshlandi
Janubiy Afrika Respublikasining bir qator shaharlarida muhojirlarga qarshi namoyishlar bo‘lib o‘tdi.
Kecha, 30 iyun kuni xorijliklar mamlakatni tark etishi uchun belgilangan «oxirgi muddat» yakunlandi. Bu ultimatumni bir nechta mahalliy antimigrant harakatlari ilgari surgan edi.
Tartibsizliklar, talon-toroj va muhojirlarga nisbatan zo‘ravonliklarning oldini olish maqsadida politsiya ko‘chalardagi nazoratni kuchaytirgan.
Hozirga qadar qariyb 25 ming nafar xorijlik JARni tark etgan. Ularning aksariyati boshqa Afrika davlatlari fuqarolaridir.
