«ЖЧ–2022»: Яна уч иштирокчи қайси жамоалар бўлади?

Келгуси йил Қатарда бўлиб ўтадиган футбол бўйича жаҳон чемпионатида 32 терма жамоа иштирок этади. Улардан 13 таси Европа мамлакатлари терма жамоаларидир.

Дастлабки саралаш ўйинларида ўз гуруҳларида биринчи ўринни эгаллаган 10 жамоа йўлланмани қўлга киритди. Булар: Сербия, Испания, Швейцария, Дания, Бельгия, Франция, Хорватия, Германия, Англия, Голландия.

Хўш, қолган уч йўлланма қайси терма жамоага насиб этади?
Бу ўзаро кураш олиб борадиган 12 жамоадан учтасига насиб қилади. Бунинг учун улар 3 гуруҳга бўлиниб, йўлланма учун курашади. Ўз гуруҳида 1-ўринни эгаллаган уч жамоа йўлланма эгаси бўлади.
Бу 12 жамоа: Шотландия, Россия, Украина, Уэльс, Австрия, Польша, Чехия, Швеция, Италия, Македония, Португалия, Туркия.
Кўриниб турибдики, барчаси кучли жамоалар. Бу эса кураш қизғин бўлишидан далолат беради.