Kattaqo‘rg‘onda elektr tarmoqlariga o‘zboshimchalik bilan ulanish holati fosh etildi
Bosh prokuratura huzuridagi Departamentning Kattaqo‘rg‘on shahar bo‘limi tomonidan “Qoradaryo” elektr ta’minoti korxonasi bilan hamkorlikdatergovga qadar tekshiruv o‘tkazildi.
Unda “M.Q.” xususiy korxonasi rahbari K.S. “Kumushkent” mahalla fuqarolar yig‘inidagi yer maydoniga o‘rnatilgan quvvati 75 kVt bo‘lgan suv nasosini yuqori kuchlanishli elektr tarmog‘iga o‘zboshimchalik bilan ulab, 327,6 ming kVt elektr energiyasidan noqonuniy foydalanganligi oqibatida, davlat va jamiyat manfaatlariga 147,4 mln. so‘m zarar yetkazganligi aniqlangan.
Mazkur holat yuzasidan Jinoyat kodeksining 185-2-moddasi (elektr, issiqlik energiyasi, gaz, vodoprovoddan foydalanish qoidalarini buzish) bilan jinoyat ishi qo‘zg‘atilib, tergov harakatlari olib borilmoqda.
