Китоб тақдимоти ва тўгарак иши

14 сентябрь куни Ўзбекистон Ёзувчилар уюшмаси Самарқанд вилояти бўлимида Навоий вилояти Хатирчи туманида таваллуд топган шоир ва публицист, тиббиёт фанлари номзоди, олий тоифали жарроҳ Зайниддин Норманнинг "Назм гулзори бу..." номли шеърий тўплами тақдимоти бўлди.
Тақдимотда самарқандлик ижодкорлар китоб ҳақидаги фикр-мулоҳазаларини билдирди ва шоир шеърларидан намуналар ўқиди.
Тадбирнинг иккинчи қисмида "Садоқат" тўгарагининг навбатдаги машғулоти бўлиб ўтди. Машғулотни уюшманинг вилоят бўлими бош мутахассиси З.Эшонқулова олиб борди. Машғулотда ижодкорларнинг шеърлари тингланди ва таҳлилий мулоҳазалар билдирилди.

Ўзбекистон Ёзувчилар уюшмаси Самарқанд вилоят бўлими.