Ўзбекистон Ёзувчилар уюшмаси раисига ўринбосарлар тайинланди
Бугун Ўзбекистон Ёзувчилар уюшмасида фаоллар Кенгашининг навбатдаги йиғилиши бўлиб ўтди.
Унда ташкилий масала кўрилди. Шу вақтгача Уюшма раисининг Ёшлар билан ишлаш бўйича ўринбосари вазифасида ишлаб келган Холбўтаев Нодиржон Жонузоқович раиснинг ижодий ишлар бўйича биринчи ўринбосари лавозимига тайинланди.
“Ўзбекистон почтаси” акциядорлик жамияти Молия бўйича директори вазифасида ишлаб келган Насриддинов Саидғани Саиднабиевич раиснинг бино эксплуатация ишлари бўйича биринчи ўринбосари лавозимига тайинланди.
Шунингдек, Уюшманинг Тошкент вилояти бўлими бош мутахассиси вазифасида ишлаган Эргашев Ботиржон Йўлдошевич раиснинг ёшлар билан ишлаш бўйича ўринбосари лавозимига тайинланди.
Бугун янги лавозимларга тайинланган барчани Ўзбекистон Ёзувчилар уюшмаси жамоаси номидан қутлаймиз, улар зиммаларига юклатилган вазифаларни бажариш орқали ўзбек адабиёти ривожига ҳисса қўшишига тилакдошмиз, дейилади Ўзбекистон Ёзувчилар уюшмаси ахборот хизмати хабарида.
Ўзбекистон Ёзувчилар уюшмаси ахборот хизмати.
ЎзА
