Kitob taqdimoti va to‘garak ishi

14 sentyabr kuni O‘zbekiston Yozuvchilar uyushmasi Samarqand viloyati bo‘limida Navoiy viloyati Xatirchi tumanida tavallud topgan shoir va publitsist, tibbiyot fanlari nomzodi, oliy toifali jarroh Zayniddin Normanning "Nazm gulzori bu..." nomli she’riy to‘plami taqdimoti bo‘ldi.
Taqdimotda samarqandlik ijodkorlar kitob haqidagi fikr-mulohazalarini bildirdi va shoir she’rlaridan namunalar o‘qidi.
Tadbirning ikkinchi qismida "Sadoqat" to‘garagining navbatdagi mashg‘uloti bo‘lib o‘tdi. Mashg‘ulotni uyushmaning viloyat bo‘limi bosh mutaxassisi Z.Eshonqulova olib bordi. Mashg‘ulotda ijodkorlarning she’rlari tinglandi va tahliliy mulohazalar bildirildi.

O‘zbekiston Yozuvchilar uyushmasi Samarqand viloyat bo‘limi.