O‘zbekiston Yozuvchilar uyushmasi raisiga o‘rinbosarlar tayinlandi
Bugun O‘zbekiston Yozuvchilar uyushmasida faollar Kengashining navbatdagi yig‘ilishi bo‘lib o‘tdi.
Unda tashkiliy masala ko‘rildi. Shu vaqtgacha Uyushma raisining Yoshlar bilan ishlash bo‘yicha o‘rinbosari vazifasida ishlab kelgan Xolbo‘tayev Nodirjon Jonuzoqovich raisning ijodiy ishlar bo‘yicha birinchi o‘rinbosari lavozimiga tayinlandi.
“O‘zbekiston pochtasi” aksiyadorlik jamiyati Moliya bo‘yicha direktori vazifasida ishlab kelgan Nasriddinov Saidg‘ani Saidnabiyevich raisning bino ekspluatatsiya ishlari bo‘yicha birinchi o‘rinbosari lavozimiga tayinlandi.
Shuningdek, Uyushmaning Toshkent viloyati bo‘limi bosh mutaxassisi vazifasida ishlagan Ergashev Botirjon Yo‘ldoshevich raisning yoshlar bilan ishlash bo‘yicha o‘rinbosari lavozimiga tayinlandi.
Bugun yangi lavozimlarga tayinlangan barchani O‘zbekiston Yozuvchilar uyushmasi jamoasi nomidan qutlaymiz, ular zimmalariga yuklatilgan vazifalarni bajarish orqali o‘zbek adabiyoti rivojiga hissa qo‘shishiga tilakdoshmiz, deyiladi O‘zbekiston Yozuvchilar uyushmasi axborot xizmati xabarida.
O‘zbekiston Yozuvchilar uyushmasi axborot xizmati.
O‘zA
