Кредит маблағини талон-торож қилиш ҳолатлари аниқланди

Бош прокуратура ҳузуридаги Департамент органлари томонидан банкларнинг комплаенс-назорати тузилмалари билан ҳамкорлик доирасида пул маблағларининг талон-торож қилиниши бўйича аниқланган қонунбузилиш ҳолатлари аниқланмоқда.

Хусусан, Каттақўрғон шаҳар бўлими томонидан ўтказилган терговга қадар текширувда, “Q.T.” МЧЖ раҳбари С.Т. ва бошқалар “Микрокредитбанк” АТБ Каттақўрғон филиалидан автомобилларга техник хизмат кўрсатиш шаҳобчасини ташкил этиш учун ажратилган 800 млн сўм имтиёзли кредит маблағини мақсадсиз сарфлаб, талон-торож қилганликлари аниқланган.

Мазкур ҳолат юзасидан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда, дейилади Департамент хабарида.