Лицей ўқитувчилари марҳум мураббийлар ҳақида видеофильм тайёрлади

Самарқанд давлат университети aкадемик лицейида Xотира ва қадрлаш кунига бағишланган «Инсон қадри улуғ - хотираси муқаддас» номли хотира кечаси бўлиб ўтди.

Тадбирда лицей ўқувчиларига таълим-тарбия берган марҳум ўқитувчилар хотираси ёдга олинди. Сўнгра академик лицей директори А.Умаров, нафақадаги ўқитувчилар Ғ.Ражабов, Ж.Аслиддиновалар лицейда ўз меҳнати билан яхши ном қолдирган А.Бобоев, Н.Эрназаров, Р.Қурбонов, А.Ҳазратов, Л.Aбдуллаева, Ю.Содиқова, Г.Имомова, А.Бадиров каби ўнлаб марҳум устозлар билан боғлиқ бўлган ибратли ва қизиқарли воқеаларни ҳикоя қилишди.

Марҳум ўқитувчиларнинг ҳамкасблари, шогирдлари ва оила аъзолари иштирок этган тадбир якунида улар ҳақида тайёрланган видеофильм намойиш этилди.

Дилмурод Тўхтаев.