Litsey o‘qituvchilari marhum murabbiylar haqida videofilm tayyorladi

Samarqand davlat universiteti akademik litseyida Xotira va qadrlash kuniga bag‘ishlangan «Inson qadri ulug‘ - xotirasi muqaddas» nomli xotira kechasi bo‘lib o‘tdi.

Tadbirda litsey o‘quvchilariga ta’lim-tarbiya bergan marhum o‘qituvchilar xotirasi yodga olindi. So‘ngra akademik litsey direktori A.Umarov, nafaqadagi o‘qituvchilar G‘.Rajabov, J.Asliddinovalar litseyda o‘z mehnati bilan yaxshi nom qoldirgan A.Boboyev, N.Ernazarov, R.Qurbonov, A.Hazratov, L.Abdullayeva, Yu.Sodiqova, G.Imomova, A.Badirov kabi o‘nlab marhum ustozlar bilan bog‘liq bo‘lgan ibratli va qiziqarli voqealarni hikoya qilishdi.

Marhum o‘qituvchilarning hamkasblari, shogirdlari va oila a’zolari ishtirok etgan tadbir yakunida ular haqida tayyorlangan videofilm namoyish etildi.

Dilmurod To‘xtayev.