Нарпайда қўл жангига қизиқувчилар кўп

Миллий гвардиянинг вилоят қўриқлаш бошқармаси 7-алоҳида отряди ташаббуси билан Нарпай туманида спортнинг қўл жанги тури бўйича ёшлар ўртасида мусобақа ўтказилди.

Унда қўл жанги билан шуғулланаётган туман халқ таълими бўлимига қарашли умумий ўрта таълим мактаблари ўқувчилари учта вазн тоифасида ўзаро баҳс олиб борди. Мусобақа якунига кўра, 35 килограмм вазнда Шаҳбоз Бозоров, 50 килограмм вазнда Шаҳруз Ёқубов, 60 килограмм вазнда Султонали Исмоилов ғолиб бўлишди.

Ғолиб ва совриндорлар ташкилотчилар томонидан қимматбаҳо совға ва фахрий ёрлиқ билан тақдирланди.