O‘QISHGA MARHAMAT: Samarqand akademik litseyi 2023-2024-o‘quv yili uchun o‘quvchilarni o‘qishga taklif etadi
O‘zbekiston Respublikasi Ichki ishlar vazirligining oliy ta’lim muassasalarida o‘qishni nazarda tutgan ta’lim standartlari, o‘quv rejalari va dasturlari talablariga muvofiq o‘quvchilarni chuqurlashtirilgan va kasbga yo‘naltirilgan holda o‘qitish, intellektual rivojlanishini ta’minlash hamda yuksak vatanparvarlik ruhida tarbiyalash maqsadida O‘zbekiston Respublikasi Ichki ishlar vazirligining Samarqand akademik litseyi 2023-2024-o‘quv yili uchun o‘quvchilarni o‘qishga taklif etadi.
Ichki ishlar vazirligining Samarqand akademik litseyiga o‘qishga kirish istagini bildirgan Samarqand viloyati hududida yashovchi umumta’lim maktablarining 9-sinf bitiruvchilari uchun arizalar 2023-yil 1-fevraldan 15-aprelga qadar qabul qilinadi.
Akademik litseyga qabul bosqichma-bosqich amalga oshiriladi:
1. Dastlabki tanlov (yakka tartibdagi dastlabki suhbat, individual psixologik xususiyatlarni o‘rganish, harbiy tibbiy komissiya ko‘rigidan o‘tish);
2. Maxsus-professional tanlov (yozma ish (diktant), jismoniy tayyorgarlik darajasini aniqlash bo‘yicha sinov, yakka tartibdagi yakuniy suhbat);
3. Test sinovi.
Akademik litseyda o‘qish muddati 2 yil.
Ta’lim yo‘nalishi: Ijtimoiy-gumanitar fanlar-4.
O‘qishga kirish istagini bildirgan o‘quvchilar (nomzodlar) qabul komissiyasiga quyidagi hujjatlarni taqdim etadi:
1. Ariza (Belgilangan shaklda);
2. Tug‘ilganlik haqida guvohnoma (asli va nusxasi, dalolatnoma yozuviga o‘zgartirish, tuzatish va qo‘shimchalar kiritilgan yoki tug‘ilganlik haqidagi guvohnoma almashtirilgan yohud familiya, ism, otasining ismi va boshqa ma’lumotlar o‘zgartirilgan bo‘lsa, bu haqda FHDY organlarining ma’lumotnomasi);
3. Yaqin qarindoshlarining pasporti, tug‘ilganlik haqida guvohnomasi, nikoh tuzilganligi haqida guvohnomasi, nikohdan ajralganligi haqidagi guvohnomasi, vafot etganlar bo‘lsa, ularning o’lim haqida guvohnomasi (asli va nusxalari);
4. 3x4 sm. o‘lchamdagi 6 dona fotosurat (bosh kiyimsiz) hamda 9x12 sm. o‘lchamdagi 2 dona fotosurat (bosh kiyimsiz);
5. Tarjimai hol;
6. So‘rovnoma (Belgilangan shakldagi);
7. O‘qish joyi va mahalla fuqarolar yig’inidan tavsifnoma;
8. Mudofaa ishlari bo’limlarida ro‘yxatda turishi to‘g‘risidagi ma’lumotnomaning asli va nusxasi;
9. Fanlarni o‘zlashtirishi to‘g‘risida o‘qish joyidan maktab direktori tomonidan tasdiqlangan ma’lumotnoma;
10. Ota-onasining Ichki ishlar vazirligining akademik litseyiga o‘qishga kirishiga rozilik xati (Belgilangan shaklda).
Manzilimiz: Samarqand shahri Maroqand ko‘chasi, 46-uy.
Mo‘ljal: 9, 13, 16, 20, 24, 31-shahar avtobuslarining hamda 434-son marshrutkalarining “DEU” bekati.
ICHKI ISHLAR VAZIRLIGINING SAMARQAND AKADEMIK LITSEYI QABUL KOMISSIYASI.
*Reklama
