Ўсимликларга зарар етказадиган асосий омилларни биласизми?

Қурғоқчилик ва сув етишмаслиги: Ўзбекистоннинг иқлими нисбатан иссиқ ва қуруқ бўлиб, сув етишмаслиги ўсимликларга жиддий зарар етказиши мумкин. Суғоришнинг етарли даражада бўлмаслиги ўсимликларнинг ўсиши ва ҳосилдорлигини пасайтиради.

Зараркунандалар: Уларнинг 60 мингдан ортиқ ўсимликхўр тури маълум, шу жумладан, 4 мингга яқин тури ўсимликларнинг барглари, пояси ва илдизларига зарар бериб, ўсимликларни заифлаштиради.

Касалликлар: Замбуруғ касалликлари, вируслар ва бактериал инфекциялар ўсимликларга катта зарар етказиши мумкин.

Тупроқнинг шўрланиши: Суғориш сувларининг шўрланиши тупроқнинг шўрланишига олиб келиши мумкин, бу эса ўсимликларнинг ўсишига салбий таъсир кўрсатади. Шўрланган тупроқ ўсимликлар учун зарур бўлган сув ва озуқа моддаларининг сўрилишини қийинлаштиради.

Нотўғри парвариш: Ўсимликларни нотўғри суғориш, нотўғри ўғитлаш ёки вақтида қарамаслик уларнинг заифлашишига ва касалликларга чалинишига олиб келиши мумкин.