Ўтган 7 ойда қарийб 22 минг нафар тазйиқ ва зўравонликдан жабрланган хотин-қизларга ҳимоя ордери берилган

Оила ва хотин-қизлар қўмитаси хабарига кўра, Ўзбекистонда 2023 йилнинг ўтган етти ойида тазйиқ ва зўравонликдан жабрланган 21 минг 871 нафар хотин-қизга ҳимоя ордери берилган.

➖Хотин-қизларга нисбатан қайд этилган тазйиқ ва зўравонлик ҳолатларининг 18 526 таси (84,7 фоиз) оилаларда содир этилган.

➖Ҳимоя ордери бериш натижасида 9 362 та оилани тиклашга, 11 минг 350 та оилада низоларни бартараф этишга эришилган.

➖Расмийлаштирилган 5495 та ҳимоя ордери бўйича маъмурий ёки жиноий жавобгарлик белгиланиб, хотин-қизларнинг бузилган ҳуқуқлари тикланган.