Қазиб олинмаган олтин заҳиралари бўйича мамлакатлар рейтинги
Қайси давлатда ҳали қазиб олинмаган олтинлар кўп?
Кейинги кунларда 1 троя унция (олтин ва бошқа қимматбаҳо металларнинг 31,1034768 граммга тенг стандарт оғирлик бирлиги) олтиннинг нархи 4 минг доллардан ошиб кетди.
Ушбу инфографикада мамлакатлардаги ҳали ҳам ўзлаштирилмаган ва қазиб олинмаган сариқ металл захиралари тартибланган. Рейтинг келажакдаги тоғ-кон саноати инвестициялари қаерда тўпланиши мумкинлигини кўрсатади.
АҚШ Геология хизмати маълумотлари асосида тақдим этилган инфографикада тоннада ифодаланган захираларнинг бир троя унцияси 4362 АҚШ долларида баҳоланади.
Россия ва Австралия давлатлари дунёдаги энг катта захираларга эга. Ушбу давлатлар ер қаърида тахминан 12 минг тоннани ташкил этадиган қазиб олинмаган олтин ётади ва ҳар бир давлатнинг умумий захиралари 1,7 триллион АҚШ долларига баҳоланмоқда.
Россиянинг энг йирик ва муҳим конлари асосан Сибирь ва Узоқ Шарқда, шу жумладан, Красноярск ўлкаси, Магадан вилояти, Амур вилояти ва Чукотка автоном округида мужассамлашган.
Австралияда қўл урилмаган захираларнинг катта қисми мамлакатнинг Ғарбий қисмидаги ресурсларга бой зоналарида, хусусан, Илгарн ҳудудида тўпланган.
Ривожланиб борааётган давлатлар орасида Индонезия ўзининг 3800 тонна олтин захиралари билан дунёда тўртинчи ўринни эгаллайди, Перу ва Бразилия 2400 дан 2500 тоннагача қазилмаган олтин захираларга эгалик қилади.
Глобал талаб таъминот занжирлари арзон кончилик имкониятлари томон силжиши туфайли бу ҳудудлар кенг кўламли инвестициялар саҳнасига айланиши мумкин.
Америка Қўшма Штатлари ва Хитой каби йирик ишлаб чиқарувчиларнинг ҳар бирида олтиннинг тахминан 3000 тонна ўзлаштирилмаган катта захиралари бор.
Шунингдек, бугунги кунда кўпгина янги глобал тадқиқотлар Африка, Гана, Мали ва Танзания каби мамлакатларда амалга оширилмоқда. Жанубий Африка 5000 метрик тонна захиралари билан қитъада етакчилик қилиб келмоқда.
Б.Муҳаммадиева тайёрлади.
