Қорасувда болалар боғчага хавфли йўлдан ўтиб боряпти
Мобиль мухбир хабар қилади
Самарқанд шаҳар Қорасув массивида 51-мактабгача таълим ташкилоти фойдаланишга топширилгани янги уйларга кўчиб ўтган аҳоли учун қулай имконият бўлди, аммо бу боғчага олиб борадиган йўл талаб даражасида эмас. Янги уйларни боғча билан боғловчи катта йўл ҳам чангиб ётибди. Ташкилот ёнгинасида қурилиш жараёни давом этяпти ва “катлаван” қазилиши оқибатида боғчага элтувчи биргина йўл бузилган, яъни бир қисми чўккан. Бу ерда болалар ташкилот дарвозасидан чиқиши билан чуқурга тушиб кетиш хавфи катта.
Шунингдек, боғча ҳовлисига туташ жойда қурилиш материали ишлаб чиқараётган цехдан чиқадиган чанг ҳам болалар саломатлигига салбий таъсир қилиши табиий.
Бирор кор-ҳол юз беришини кутиб ўтирмасдан ушбу муаммоларни вақтида ҳал этиш чораларини кўрадиган масъуллар борми?
