Қўшработ бозорида кийим-кечакларни ўғирлаётган шахс ушланди

Булунғур тумани Небўса МФЙ яшовчи, 1981 йилда туғилган А. ўзганинг мол-мулкини яширин равишда талон-торож қилиш мақсадида Қўшработ тумани Қўролос МФЙ ҳудудида жойлашган “Қўшработ деҳқон бозори” ҳудудидаги, фуқаро С.га тегишли бўлган бозор растасидан болалар кийим-кечакларини яширин равишда талон-торож қилган.

Шунингдек, А. ушбу бозорда такроран фуқаро Б.га тегишли бўлган растада турган аёллар кийим-кечакларини яширин равишда талон-торож қилаётган вақтида ИИБ ходимлари томонидан қўлга олинган.

Мазкур ҳолат юзасидан туман ИИБ ҳузуридаги тергов бўлими томонидан Жиноят кодексининг 169-моддаси 3-қисми “а” банди билан жиноят иши қўзғатилди.
Самарқанд вилояти ИИБ ахборот хизмати хабарига кўра, ҳозирда тергов ҳаракатлари олиб борилмоқда.