Республика бўйича энг юқори туғилиш Самарқанд вилоятида қайд этилди
2020 йилнинг январ-июнь ойларида 365,2 мингта бола туғилганлиги қайд этилган бўлиб (фақат тирик туғилганлар инобатга олинган), мос равишда 1000 аҳолига нисбатан туғилиш коэффициенти 21,6 промиллени ташкил этди.
Ушбу кўрсаткич 2019 йилнинг мос даврига нисбатан 0,6 промиллега ошганлиги кузатилди (2019 йилнинг январ-июнь ойларида 21,0 промилле бўлган).
Давлат статистика қўмитаси берган маълумотга кўра, ҳудудлар кесимида туғилганлар сони ва туғилиш коэффициенти Самарқанд вилоятида энг юқори қўрсатгичда қайд этилди.
