Андроид қурилмалар учун Zarnews.uz мобил иловаси. Юклаб олиш x

Россия: расмийлар дрон ҳужуми ҳақида хабар беришди, нефть омбори ёнмоқда

Россиянинг Курск вилоятида учувчисиз учув аппарати аэродромга ҳужум қилгани, нефтт омбори ёнаётгани ҳақида бугун эрталаб Курск вилояти губернатори Роман Старовоит ОАВга маълум қилган.

Дастлабки маълумотларга кўра, қурбонлар йўқ.

Курск вилоятида жойлашган Курск-Восточний аэропорти ҳарбий ва фуқаролик судлари томонидан қўлланиладиган қўшма аэродромдир. 24 февралдан буён йўловчи рейсларини қабул қилмайди.

Бир кун аввал дронлар Рязан вилоятидаги Дягилево ва Саратов вилоятидаги Энгельс аэродромларига ҳужум қилган. РФ Мудофаа вазирлиги бу ҳужумни фақат кечқурун тан олди. Вазирлик маълумотларига кўра, уч нафар аскар ҳалок бўлган, яна тўрт нафари яраланган. Тахминларга кўра, ҳарбий аэродромлардаги портлашлар Украина учувчисиз аппаратлар ҳужумлари натижасида содир бўлган.

Ҳарбий идоранинг расмий вакили Игорь Конашенковнинг сўзларига кўра, ҳужумдан мақсад "Россиянинг узоқ масофали самолётларини ишдан чиқариш". У ҳодиса оқибатида иккита самолётга зарар етганини тасдиқлади: уларнинг “корпуси бироз шикастланган”.

Украина Мудофаа вазирлиги Россия ҳудудидаги воқеаларга изоҳ бермаган.