Россиялик депутат ўзбекистонлик қизалоқни асраб олди

Россия Давлат Думаси депутати Виталий Милонов НТВдаги “Секрет на миллион” кўрсатувида онаси ташлаб кетган қизалоқни қандай асраб олганини айтиб берди. Бу ҳақда Sputnik хабар қилди.
Хабарда айтилишича, унинг онаси Ўзбекистон фуқароси, у Санкт-Петербургдаги ресторанлардан бирида ишлаган. Аёлнинг фарзанди тунги смена вақтида дунёга келган. Аёл 8 соат давомида бола билан бўлган. Лекин кейин уни скамейкада қолдириб кетган. Қутқариш хизматлари болани тезда топиб олишган.

Милонов ушбу қизалоқ ҳақида маҳаллий ОАВлар хабаридан билиб олган ва болани ўз оиласига олишга қарор қилган.
Айни дамда у гимнастика билан шуғулланмоқда ва фигурали учиш бўйича спортчи бўлишни орзу қилмоқда. Яқинда қизалоқ 5 ёшга тўлади. Милонов ўз фарзандини “Донечка“ деб чақиради.