Самарқанд давлат университетида сув ҳавзаси қуриш режалаштирилмоқда
Zarnews.uz мухбирининг “Нима учун Самарқанд давлат университетида ёзги спорт майдонлари йўқ?” деган саволига университет ректори Р.Холмуродов қуйидагича жавоб берди:
- Университетда 6 та ёпиқ спорт зали, 3 та ёзги спорт майдончаси мавжуд. Уларнинг барчаси керакли спорт анжомлари билан тўлиқ жиҳозланган. Талабаларнинг кўпроқ спорт турлари билан шуғулланишлари учун яна 4 та ёзги спорт майдончаси ва сув ҳавзаси қуриш бўйича таклифлар ишлаб чиқилиб, давлат инвестиция дастурига киритиш учун тақдим этилган.
