Самарқанд ва Андонг шаҳар ҳокимлари учрашди

Бугун Самарқанд шаҳар ҳокими Бобурмирзо Облоқулов "Шарқ тароналари" XII халқаро мусиқа фестивалига ташриф буюрган Корея Республикасининг Андонг шаҳри мэри (ҳокими) Квон Ёнг-се билан учрашди. Бу ҳақда Самарқанд шаҳар ҳокимлиги ахборот хизмати хабар бермоқда.

Томонлар шу пайтгача ўрнатилиб келинган ҳамкорлик алоқалари ҳақида фикр алмашди ва ўз таклифларини билдирди. Шунингдек, икки шаҳар раҳбарлари шаҳарлар ўртасидаги кейинги муносабатларга йўл очиш, дўстлик алоқаларини янада мустаҳкамлаш  масалаларига тўхталди. Учрашувда маданият, санъат, таълим ва туризм соҳалари ҳам кенг муҳокама этилди.