Самарқанд халқаро технология университети Ўзбекистондаги "Энг талабгор университет" рўйхатида 2-ўринни эгаллади

Scienceweb талқинига кўра, шундай эътироф этилган Самарқанд халқаро технология университети (SIUT) мамлакатдаги энг ёш университетларидан биридир. Шу йил февраль ойида олийгоҳнинг очилганига 2 йил бўлади.

SIUT университетининг бошқа олий таълим муассасаларидан ўқув дастурларига энг илғор халқаро муҳандислик таълим стандартларини жорий этгани, шунингдек, 16 та мамлакатдан келган 30 дан ортиқ тажрибали профессорларни ўқув жараёнига жалб қилгани, ўқув курсларини иқтисодиётнинг реал сектори талабларига тез ва ихчам ҳолда мослаштиргани билан фарқ қилади.

Scienceweb (Scienceweb.uz) танлови мезонлари университетларда ва тадқиқот марказларида ишлайдиган олимларнинг умумий ўртача H-INDEX даражаси, шунингдек, уларнинг Scopus, Web of Science, Google Scholar каби маълумотлар базаларида индексланган илмий нашрларда чоп этилган тадқиқотлари билан боғлиқ ҳаволалар сонига қараб аниқланади.

Айтиш жоизки, Стенфорд университетининг (АҚШ) ўтган йили октябрь ойида нашр этган маълумотларига кўра, SIUT ўқитувчиси, профессор Мохаммед Каабар илмий ишлари туфайли 2023 йилда жаҳон миқёсида энг кўп тилга олинган олимларнинг бири, деб тан олинган.

Маълумот ўрнида: SIUT жаҳон стандартлари даражасидаги лабораториялар билан жиҳозланган янги кампусда кўчиб ўтади. Бу талабаларга замонавий шароитларда таълим олиш, шу билан бир қаторда муҳандислик фанлари бўйича билим ва кўникмаларини янада кенгайтириш имконини беради.