Самарқандда “Шашмақом” ва “Тановар” миллий мусиқа фестивали ўтказилди

Турон фанлар академияси вилоят минтақавий бўлими, “Шарқ дурдонаси” маданий-маърифий маркази ва “Шашмақом” миллий мумтоз ансамбли ҳамкорлигида ўтказилган мусиқа фестивалида Хоразм, Жиззах ва Самарқанд вилоятларининг таниқли санъаткорлари, ёш истеъдод эгалари иштирок этди.

Тадбирда ижро этилган мумтоз куй-қўшиқлар, фольклор ансамблларининг чиқишлари фестиваль иштирокчиларининг олқишига сазовор бўлди.

Тадбир якунида миллий санъатимизни улуғлаш, уни асраш ва келгуси авлодга мерос қилиб қолдириш, фарзандларимизни қадим қадриятларимизга ҳурмат руҳида тарбиялашга хизмат қилувчи бу каби фестивалларни бошқа ҳудудларда ҳам ўтказишга келишиб олинди.