Samarqandda “Shashmaqom” va “Tanovar” milliy musiqa festivali o‘tkazildi

Turon fanlar akademiyasi viloyat mintaqaviy bo‘limi, “Sharq durdonasi” madaniy-ma’rifiy markazi va “Shashmaqom” milliy mumtoz ansambli hamkorligida o‘tkazilgan musiqa festivalida Xorazm, Jizzax va Samarqand viloyatlarining taniqli san’atkorlari, yosh iste’dod egalari ishtirok etdi.

Tadbirda ijro etilgan mumtoz kuy-qo‘shiqlar, folklor ansambllarining chiqishlari festival ishtirokchilarining olqishiga sazovor bo‘ldi.

Tadbir yakunida milliy san’atimizni ulug‘lash, uni asrash va kelgusi avlodga meros qilib qoldirish, farzandlarimizni qadim qadriyatlarimizga hurmat ruhida tarbiyalashga xizmat qiluvchi bu kabi festivallarni boshqa hududlarda ham o‘tkazishga kelishib olindi.