Соғлом танда - сифатли таълим

Айни кунларда Ўзбекистон касаба уюшмалари федерацияси, Мактабгача ва мактаб таълими ҳамда Ёшлар сиёсати ва спорт вазирлиги, Ўзбекистон миллий телерадиокомпаниясининг шу шиор остида ўтказилаётган спорт мусобақаларининг туман босқичлари бўлиб ўтмоқда.

Мусобақанинг Иштихон тумани босқичида дастлаб “Касаба уюшмаси кубоги” баҳслари ўтказилди. Унда сектор босқичида ғолиб бўлган умумтаълим мактаб жамоалари қатнашди. Спорт мусобақаларининг волейбол тури бўйича тумандаги 66-умумтаълим мактаби жамоаси, мини футбол бўйича 19-умумтаълим мактаби жамоаси, стол тенниси бўйича аёллар ўртасида 38-умумтаълим мактаби ўқитувчиси Ситора Примова, эркаклар ўртасида 89-умумтаълим мактаби ўқитувчиси Фаррух Расулов ғолиб бўлди.

Шунингдек, шахмат бўйича аёллар ўртасида 66-умумтаълим мактаби ўқитувчиси Нигора Бобоёрова, эркаклар ўртасида 15-умумтаълим мактаби ўқитувчиси Руслан Яхшиқулов, шашка бўйича аёллар ўртасида 31-умумтаълим мактаби ўқитувчиси Феруза Мейлиева, эркаклар ўртасида 2-ИДУМ ўқитувчиси Қувват Отабоев фахрли 1-ўринни эгаллаб, спорт мусобақасининг вилоят босқичига йўлланмани қўлга киритди.

Мусобақа якунида фахрли ўринни эгаллаган ўқитувчи-спортчилар Ўзбекистон таълим ва фан ходимлари касаба уюшмаси Иштихон туман бўлинмаси кенгашининг қимматбаҳо совғалари ва дипломлари билан тақдирланди.

Шаҳриддин УМИРОВ.