Соҳибқирон Амир Темур ҳаёти билан боғлиқ биз билмаган ҳақиқатлар
Самарқандлик ижодкор Баҳриддин Ҳамроқулов қаламига мансуб, Соҳибқирон Амир Темурнинг ҳаётига бағишланган “Темурнинг туғилиши” китобининг тақдимоти бўлиб ўтди.
Самарқанд шаҳридаги 22-умумий ўрта таълим мактабида ўтказилган тақдимот маросимида ўқитувчи ва ижодкорлар, кенг жамоатчилик вакиллари иштирок этди.
Мазкур асарда Соҳибқироннинг дунёга келиши бадиий тарзда ёритилган бўлиб, муаллиф реаллик ва афсонавий ривоятлар асосида бу жараённи шеърга солган. Асарда Амир Темурнинг вояга етиши, ёшлиги ва оиласи ҳақида этнографик ташбеҳлар усулидан фойдаланилган.
Тадбир давомида муаллиф таҳсил олган мактаб ўқувчилари томонидан асарда келтирилган образлар тимсолида саҳна кўриниши намойиш этилди.
