Sohibqiron Amir Temur hayoti bilan bog‘liq biz bilmagan haqiqatlar

Samarqandlik ijodkor Bahriddin Hamroqulov qalamiga mansub, Sohibqiron Amir Temurning hayotiga bag‘ishlangan “Temurning tug‘ilishi” kitobining taqdimoti bo‘lib o‘tdi.

Samarqand shahridagi 22-umumiy o‘rta ta’lim maktabida o‘tkazilgan taqdimot marosimida o‘qituvchi va ijodkorlar, keng jamoatchilik vakillari ishtirok etdi.

Mazkur asarda Sohibqironning dunyoga kelishi badiiy tarzda yoritilgan bo‘lib, muallif reallik va afsonaviy rivoyatlar asosida bu jarayonni she’rga solgan. Asarda Amir Temurning voyaga yetishi, yoshligi va oilasi haqida etnografik tashbehlar usulidan foydalanilgan.
Tadbir davomida muallif tahsil olgan maktab o‘quvchilari tomonidan asarda keltirilgan obrazlar timsolida sahna ko‘rinishi namoyish etildi.