Талабалар Нанкин политeхника институтида ўқийди

Яқинда СамДУ Каттақўрғон филиали ўқитувчиларидан иборат делегация Хитой Халқ Республикасида бўлиб, Нанкин политехника институти ўртасида ҳамкорлик меморандуми имзолаган эди.

Кеча Нанкин политехника институти профессорлари Ту Жие ҳамда Ху  Жиу Чун Каттақўрғонга келди. Улар СамДУ филиали директори ҳамда ўринбосарлари иштирокидаги музокара олиб борди.

Меморандум асосида 2025-2026 ўқув йилидан 2+2 асосида талаба алмашинувига келишиб олинди. Филиалнинг кимё, биология ҳамда информатика ва ахборот технологиялари йўналишлари талабалари таълимнинг икки йилини Нанкин политехника институтида давом эттиради. Муваффақиятли битирган талабалар икки ОТМ дипломига эга бўлади.

Шунингдек, СамДУ Каттақўрғон филиали профессор-ўқитувчилари ҳам ушбу хорижий ОТМда малака оширади. Бунинг учун филиал профессор-ўқитувчилари ҳамда талабалар учун хитой тили курслари ташкил қилинади.