Тошкентда бўлиб ўтадиган бокс чемпионатида Қозоғистон иштирок этмайди
20 январь куни 22 ёшгача бўлганлар ўртасида ўтказилиши режалаштирилган Осиё чемпионатида қозоғистонлик боксчилар иштирок этмайди, дея хабар бермоқда Sports.kz.
Манбада ёзилишича, бу ҳақда бокс бўйича Қозоғистон терма жамоаси бош мураббийи Кайрат Сатжанов маълум қилган:
"Охирги воқеалар муносабати билан Қозоғистонда барча спорт йиғинлари ва мусобақалардаги иштирок бекор қилинди", - деди у.
Таъкидлаш керакки, бунгача қозоғистонлик боксчилар жамоаси олдига чемпионатда биринчи ўринни қўлга киритиш вазифаси қўйилган эди.
