Туркиядан келтирилган шафтоли кўчатларида касаллик аниқланди

Самарқанд вилоят ўсимликлар карантини ва ҳимояси бошқармаси ходимлари томонидан мамлакатимизга импорт қилинаётган маҳсулотларда карантин объектлари кириб келишига йўл қўймаслик борасида зарур чоралар кўриляпти.

 Яқинда Самарқанд ташқи иқтисодий фаолият масканида фаолият юритаётган ўсимликлар карантини инспекторлари вилоятга Туркия давлатидан импорт қилинган 126 минг 156 дона карантин остидаги маҳсулот, яъни шафтоли кўчатларидан намуналар олиб, марказий фитосанитария лабораториясига жўнатилди. 

Экспертиза хулосалари шафтоли кўчатлари “Олхўри чечаги вируси” (Plum Pox virus (PPV) ва “Яшил эмпоаска” (Empoasca decipiens) карантин объектлари билан зарарланганлиги аниқланди. 

Бошқарма ахборот хизматининг маълум қилишича, ушбу карантин ости маҳсулотлари белгиланган тартибда ёқиб юбориш усули билан йўқ қилинди.