Urgutda ikki haydovchi avtomashinada sovuq qurollarni olib yurgani aniqlandi
Viloyat IIB yo‘l harakati xavfsizligi boshqarmasi xodimlari mashinada sovuq qurollarni olib yurish holatlarini aniqladi.
Samarqand shahrining Beruniy ko‘chasida harakatlanib kelayotgan “Spark” rusumli avtomashina to‘xtatilib tekshirilganda, haydovchi, Urgut tumanida yashovchi Q.Sh. mashinasida ikki dona sovuq qurol (o‘tkir tig‘li pichoq) olib yurganligi ma’lum bo‘ldi.
Shuningdek, Urgut tumani hududida «Kobalt» rusumli avtomashina to‘xtatilib tekshirilganda, haydovchi, tumanning “Kamongaron” mahallasida yashovchi F.N. mashina salonida bir dona o‘tkir tig‘li pichoq olib yurgan.
