“Ватан учун, миллат учун, халқ учун!”

Самарқанд шаҳридаги “Ёшлик” истироҳат боғида “Турон мактаб театри” ҳамда “Иқтидор мактаб ансамбли” танловларининг вилоят босқичида ғолибликни қўлга киритган мактаб жамоаларининг бадиий чиқишлари намойишлари бўлиб ўтди.

Мустақиллигимизнинг 34 йиллик байрами муносабати билан “Ватан учун, миллат учун, халқ учун!” шиори остида ташкил этилаётган бу каби байрам дастурлари вилоятимизнинг барча туманларида уюштирилмоқда.
Булунғур туманида бўлиб ўтган тадбирда 1-умумтаълим мактаби “Турон мактаб театри”нинг “Авлоний издошлари” жамоаси томонидан “Дунёнинг ишлари” асари асосида саҳналаштирилган спектакль ҳамда 22-умумтаълим мактабининг “Тарона” ансамбли томонидан концерт дастури намойиш этилди.