Вилоят ФВБ сохта "МЧСчилар"дан огоҳ бўлишга чақирди

Самарқанд вилояти фавқулодда вазиятлар бошқармаси жойларда махсус кийим-бошдаги шахслар ўзини ФВБ (“МЧС”, “ўт ўчирувчи”) ходими сифатида таништириб, фуқаролардан “йиллик тўлов” деб, пул маблағларини ноқонуний тарзда ундириётганини маълум қилди.

Ушбу шахсларнинг вилоят фавқулодда вазиятлар бошқармасига (ФВБ) ҳеч қандай алоқаси йўқлиги, вазирлик тизими ходимлари томонидан ҳеч қандай тўловлар ундирилмаслиги таъкидланган.

“Ҳар қандай хизматни кўрсатиш учун олдин фуқаронинг розилиги олиниши керак.
Агар бундай шахслар хизмат кўрсатмасдан мажбурий тартибда тўлов талаб қилса, ҳуқуқни муҳофаза қилувчи органларга мурожаат этинг”, дейилган бошқарма хабарида.