Xorij voqealari qisqa xabarlarda: Armaniston Falastinni tan oldi. AQSh "Kasperskiy"ni ta’qiqladi
🔹 Armaniston tashqi ishlar vazirligi Falastin davlatini tan olgani haqida bayonot berdi. Shu kungacha BMTga a’zo 193 davlatdan 146 tasi Falastin mustaqilligini tan olgan. 2024 yilda Falastin davlatchiligini Norvegiya, Irlandiya va Ispaniya qo‘llab-quvvatlagan.
🔹 AQSh Kaspersky lab dasturiy ta’minot vositalarini sotishni taqiqladi. Mamlakat savdo vazirligi amerikaliklarni Kasperskiy laboratoriyasi tomonidan taqdim etilayotgan xizmatlar tufayli milliy xavfsizlik xavflari haqida ogohlantirgan va 20 iyuldan boshlab amerikaliklarga Kasperskiy laboratoriyasi bilan yangi bitimlar tuzishni ta’qiqlagan.
🔹 Koreya Respublikasi Tashqi ishlar vazirligi Rossiyaning Seuldagi elchisi Georgiy Zinovevni chaqirtirib, unga Rossiya va KXDR o‘rtasida keng qamrovli strategik sheriklik to‘g‘risidagi bitim tuzilgani munosabati bilan o‘z noroziligini bildirdi. Voqea ikki davlat o‘rtasidagi Moskvaning Pxenyan bilan hamkorligi tufayli yuzaga kelgan keskinlikni ko‘rsatadi.
🔹 Qo‘shma Shtatlar eski yadro kallaklarini modernizatsiya qilingan yadro kallaklariga almashtirish orqali Yevropaning beshta davlatida joylashgan yadro arsenalini yangilashni boshladi. 20 yanvar kuni Rossiya prezidenti Vladimir Putin Rossiya strategik yadroviy kuchlari ham har doim to‘liq jangovar shay holatda ekanligini, shu bois mamlakat G‘arbda qabul qilingan qarorlardan unchalik tashvishlanmasligini aytdi.
🔹 Qirg‘izistonda haydovchi boshqaruvni yo‘qotib, avtomobilning hovuzga qulashi oqibatida 4 yoshdan 9 yoshgacha bo‘lgan olti bola halok bo‘ldi.
🔹 Tojikiston prezidenti Imomali Rahmon hijob kiyishni taqiqlovchi qonunni imzoladi. Qayd etilishicha, qonundan maqsad tojik jamiyatida xurofot va aqidaparastlikning oldini olishdir. Hijob kiyish ta’qiqiga rioya qilmaganlik uchun jarima ham bor. Endilikda mamlakatda “milliy madaniyatga yot kiyimlarni olib kirish, sotish va jamoat joylarida kiyish taqiqlanadi”.
