Ёш шахматчилар ғолиблик учун беллашди
Ўзбекистон шахмат федерацияси Самарқанд вилоят ҳудудий бўлими томонидан Мустақиллигимизнинг 31 йиллиги байрами муносабати билан шахмат мусобақаси ўтказилди.
Унда вилоятнинг шаҳар ва туманлари шахмат клубларининг ёш шахматчилари махсус 3 ва 2- квалификация олиш учун разряд нормаларини бажаришди.
Танловда 3-разряд бўйича 26 нафар, 2-разряд юзасидан 18 нафар ёш шахматчилар ўзаро куч синашдилар.
Уч кун давом этган танлов якунларига кўра, ғолибларга Ўзбекистон шахмат федерацияси Самарқанд вилоят ҳудудий бўлимининг махсус сертификати ва эсдалик совғалар топширилди.
Фирдавс ҒАНИЕВ, 1-ИДУМ ўқувчиси.
