Yosh shaxmatchilar g‘oliblik uchun bellashdi
O‘zbekiston shaxmat federatsiyasi Samarqand viloyat hududiy bo‘limi tomonidan Mustaqilligimizning 31 yilligi bayrami munosabati bilan shaxmat musobaqasi o‘tkazildi.
Unda viloyatning shahar va tumanlari shaxmat klublarining yosh shaxmatchilari maxsus 3 va 2- kvalifikatsiya olish uchun razryad normalarini bajarishdi.
Tanlovda 3-razryad bo‘yicha 26 nafar, 2-razryad yuzasidan 18 nafar yosh shaxmatchilar o‘zaro kuch sinashdilar.
Uch kun davom etgan tanlov yakunlariga ko‘ra, g‘oliblarga O‘zbekiston shaxmat federatsiyasi Samarqand viloyat hududiy bo‘limining maxsus sertifikati va esdalik sovg‘alar topshirildi.
Firdavs G‘ANIYeV, 1-IDUM o‘quvchisi.
