Юзлаб бедарак йўқолган ва ўнлаб ҳалок бўлган муҳожирлар: Греция кема ҳалокати қурбонлари учун мотам тутмоқда

Мамлакатда уч кунлик миллий мотам эълон қилинди.

Кеча Ион денгизида ноқонуний муҳожирлар бўлган балиқ овлаш кемаси ҳалокатга учраган. Тунда қутқарувчилар омон қолганларни қидирди.

Ушбу фожиа Греция қирғоқларида содир бўлган. Камида 80 киши ҳалок бўлган. Юзлаб одамлар бедарак йўқолган. Юздан ортиқ қутқарилганлар Каламата шаҳри портига жойлаштирилган. Каламата аҳолиси кема ҳалокатидан омон қолган ноқонуний муҳожирларга ёрдам бермоқда. Кийим-кечак, озиқ-овқат ва дори-дармон улашмоқда.