Зеленский йўқолган ҳудудлар бўйича муросага ишора қилди. Савдо уруши: Хитой АҚШга жавоб божларини жорий қилди. Дунёнинг энг бой кишилари миллиардлар йўқотди
🔹 Украина йўқотилган ҳудудларни Россиянинг бир қисми сифатида ҳеч қачон тан олмайди — “бу қизил чизиқ”, Владимир Зеленский Киев кутишга ва охир-оқибат уларни дипломатик йўл билан қайтаришга тайёрлигини айтди, агар дипломатия натижа берса, дея Президент Украина позициясига урғу берар экан, стратегиядаги эҳтимолий ўзгаришларга ишора қилди.
🔹 Хитой жавоб тариқасида АҚШнинг барча маҳсулотларига 34 фоизлик бож жорий қилди.
🔹 Дунёнинг энг бой одамлари АҚШ божларидан кейин 208 миллиард доллар йўқотди. Meta раҳбари Марк Цукерберг ва Amazon асосчиси Жефф Безос каби америкалик миллиардерлар энг кўп жабр кўрган. Бундан ташқари, Трамп тарифларининг глобал таъминот занжирларини бузиши АҚШ мудофаа саноатига таҳдид солмоқда. АҚШ фонд бозори қарийб 2 триллион доллар йўқотган.
🔹 Анқара ва Суриянинг янги ҳукумати Суриянинг Т4 аэропорти базасида турк ҳарбий базаларини ташкил этиш бўйича дастлабки келишувларга эришди. Т4 базаси Суриядаги энг йирик ҳарбий аэродромлардан бири бўлиб, илгари Эрон ва Россия ҳарбийлари томонидан фаол фойдаланилган.
🔹 Британиянинг Queen Mary-2 круиз кемаси бортида бўлган 240 дан ортиқ киши норовирус деб расман тасдиқланган ўткир ичак вируси билан касалланган. Лайнер бортида жами 2538 нафар йўловчи ва 1232 нафар экипаж аъзоси бўлган.
🔹 Эрон Ямандан ўз қўшинларини олиб чиқиб кета бошлади ва АҚШнинг исёнчи гуруҳга қарши оммавий ҳаво ҳужумлари ортидан ҳутийларни қўллаб-қувватлашни чекламоқда.
🔹 Путиннинг махсус вакили ва Россия тўғридан-тўғри инвестициялар жамғармаси раҳбари Кирилл Дмитриев Вашингтонга ташрифидан сўнг бир қатор баландпарвоз баёнотлар берди: “Америка бизнеси Россия бозорини тарк этган Европа компаниялари ўрнини эгаллашга тайёр”. "Украинада ўт очишни тўхтатишда ютуқлар бор. Яқинда АҚШ билан янги музокаралар бўлади. Трамп ҳам Путин ва Зеленский Украина бўйича келишувга тайёрлигига ишонч билдирди.
🔹 Мьянмадаги зилзила қурбонлари сони 3145 кишига етди, 4500 дан ортиқ киши жароҳатланган.
Г.Холдорова тайёрлади.
