Antitanachalarga test topshirish qanchalik zarur?
Bugun AOKA huzuridagi shtabda o‘tkazilgan brifingda Koronavirusga qarshi kurashish shtabi a’zosi Nargiza Nurullayeva aholidan kelgan savollarga javob qaytardi:
- Ko‘pchilik antitanachalarga tahlil topshirmoqda. Bu qanchalik to‘g‘ri va majburiymi?
- COVID-19 mavjud insonlarning immun tizimi infeksiyaga oqsil ishlab chiqaradi va bemorlar qonida ushbu oqsil virusga hujum qilishi mumkin, demak antitanachalar paydo bo‘ladi.
Qonda antitanachalarning topilishi, hozirgi vaqtda COVID-19 bor yoki yo‘qligini yoki avval mavjud bo‘lganligini ko‘rsatadi.
Aniq tahlil o‘tkazish davolanishga muhtojlarni yoki infeksiya tarqalishini oldini olish maqsadida yakkalash zarur bo‘lgan insonlarni aniqlash imkonini beradi.
Aholi orasida COVID-19 mavjud bo‘lganlarni o‘z vaqtida aniqlay olmaslik (demak yolg‘on manfiy natija), o‘z vaqtida muolaja qilishni kechiktirishi va atrofdagilarga infeksiyani tarqalish xavfini oshirishi mumkin.
COVID-19 mavjud bo‘lmaganda noto‘g‘ri identifikatsiya qilish (yolg‘on musbat natija) keyinchalik behuda test o‘tkazishga, davolanish, insonlar va ularni yaqinlarini izolyasiya qilishga olib keladi.
