Bulung‘ur tumanini 2026 yilda ijtimoiy-iqtisodiy rivojlantirish bo‘yicha ustuvor vazifalar tasdiqlandi
Xalq deputatlari Samarqand viloyati Kengashi Bulung‘ur tumanini rivojlantirish bo‘yicha 2026 yilga mo‘ljallangan ustuvor vazifalar yuzasidan tuman hokimi S.Astonovning taqdimotini ko‘rib chiqib, 2026 yilda hududni ijtimoiy-iqtisodiy rivojlantirish bo‘yicha ustuvor vazifalarni amalga oshirish chora-tadbirlar rejasini tasdiqladi.
Dasturga ko‘ra, bu yil tumandagi Kildon, Zarafshon va Oqtepa mahallalari “Yangi O‘zbekiston qiyofasi”dagi mahalla sifatida kompleks rivojlantiriladi.
2026-yil hosili uchun 5200 gektar asosiy maydonda kartoshka ekiladi. Ipak qurti parvarishi sohasida 1298 nafar xotin-qizning bandligi ta’minlanadi.
