El e’zozidagi hofiz

Bahodir Sirojiddinov (Bahodir tanbur) 1963 yil 15 aprelda Toyloq tumanida adabiyotga va san’atga daxldor, ziyoli oilada tug‘ilib, voyaga yetdi.

Hofiz Bahodir Sirojiddinovni bugun nafaqat viloyatimiz, balki respublikamizdagi san’at ixlosmandlari yaxshi biladi.

U 1980 yillar boshida Samarqand davlat filarmoniyasida yakkaxon xonanda sifatida ilk ijodiy faoliyatini boshladi. 1990-1995 yillar Toshkent davlat madaniyat institutida tahsil oldi.

Bahodir Sirojiddinovning repertuari mazmunan boy va rang-barang. Alisher Navoiy, Bobur, Mashrab, Fuzuliy, Hofiz, Sa’diy, Furqat singari mumtoz adabiyotimiz vakillarining g‘azallariga, Abdulla Oripov, Erkin Vohidov kabi o‘nlab shoirlar she’rlariga kuy bastalab, ashulalar yaratdi.

2011 yilda hofizning oilaviy ansambliga «Xalq havaskorlik jamoasi» unvoni berildi.

"Shuhrat" medali sohibi, elimiz e’zozidagi hofiz Bahodir Sirojiddinovni 60-bahori bilan qutlaymiz!