Endi DXMdan ham yangi namunadagi “Prava” olish mumkin
Xabaringiz bor, Davlat xizmatlari markazlari orqali eski namunadagi haydovchilik guvohnomasini yangi namunadagisiga almashtirish xizmat ko‘rsatilib kelinmoqda. Birinchi marta haydovchilik guvohnomasini olish istagidagi fuqarolar esa YHXBlarga murojaat qilishlari talab etilardi. Endi bunday sarsongarchilikka hojat yo‘q.
Adliya vazirligi tomonidan IIV bilan hamkorlikda yangi namunadagi haydovchilik guvohnomasini birinchi marta berish xizmati ham Davlat xizmatlari markazlari orqali yo‘lga qo‘yildi.
Mazkur xizmat Samarqand shahar va Urgut tuman Davlat xizmatlari markazida yo‘lga qo‘yildi.
Eslatib o‘tamiz, 2022 yil fevralidan bugunga qadar yuqorida qayd etilgan ikki markaz orqali 20 mingdan ortiq eski namunadagi haydovchilik guvohnomalari rasmiylashtirilib berilgan.
