Ertadan oy oxirigacha ayrim joylarda kuchli yomg‘ir yog‘adi

"O‘zgidromet" 26-30 mart kunlari O‘zbekiston hududi bo‘yicha vaqti-vaqti bilan yomg‘ir yog‘ishi, ba’zi joylarda kuchli bo‘lib, momoqaldiroq bo‘lishi mumkinligi haqida ogohlantirdi.

Shuningdek, 26-28 mart kunlari shamol tezligi 15-20 m/s gacha kuchayishi, ayrim joylarda ba’zida 22-25 m/s gacha kuchayishi mumkinligi hamda kutilayotgan kuchli yomg‘irlar yog‘ishi sababli, 26-31 mart kunlari respublikaning tog‘ oldi va tog‘li hududlarida sel-suv toshqin hodisalari yuzaga kelishi mumkinligi haqida ogohlantirdi.