Ilon Maskning 60 ta sun’iy yo‘ldoshlarini o‘zbekistonliklar ham kuzatishdi
O‘zbekiston aholisi 25 maydan 26 mayga o‘tar kechasi Ilon Maskning "SpaceX" kompaniyasi tomonidan "Starlink" (butunjahon interneti) dasturi doirasida uchirilgan 60 ta sun’iy yo‘ldoshning uchib o‘tishini kuzatish imkoniga ega bo‘ldi.
Sun’iy yo‘ldoshlar bir chiziq bo‘ylab harakatlangan.
Eslatib o‘tamiz "SpaceX" kompaniyasi dunyoning hamma joyida internet tarmog‘ini tarqatish loyihasi bo‘yicha "Starlink" dasturini ishga tushirishni rejalashtirgan. Kompaniya bunda ko‘plab sun’iy yo‘ldoshlardan foydalanmoqchi. Bundan ikki kun oldin ana shu sun’iy yo‘ldoshlarni birinchi guruhi, AQShning Florida shtatidagi kosmodromdan raketa tashuvchisi "Falcon 9" yordamida, har birining og‘irligi 227 kg.dan bo‘lgan 60 ta sun’iy yo‘ldosh fazoga muvaffaqiyatli olib chiqib qo‘yib yuborildi. Endi, o‘sha sun’iy yo‘ldoshlar Yer orbitasi bo‘ylab, 300 km balandlikda bir chiziqda harakatlanmoqdalar.
