Iroq parlamenti Latif Rashidni prezident etib sayladi
Unga 162 deputat, uning raqibi, sobiq prezident Barham Solihga 63 deputat ovoz berdi, deb yozadi Rudaw.
Endi mamlakatda hukumatni shakllantirish boshlanadi.
Yangi bosh vazirlikka nomzod Muhammad al-Sudaniy 30 kundan keyin hukumatni shakllantirishi kutilmoqda.
Ilgari Rashid Iroq suv xo‘jaligi vaziri bo‘lib ishlagan, shuningdek, Kurdiston vatanparvarlik ittifoqi partiyasining vakili bo‘lgan.
Iroqdagi korrupsiyaga qarshi namoyishlar 2021 yil oktyabr oyida mamlakatda muddatidan oldin parlament saylovlariga sabab bo‘ldi. Biroq, siyosiy bloklar o‘rtasida hukumatni shakllantirish mexanizmlari bo‘yicha kelishmovchiliklar tufayli saylangan parlament a’zolari hukumat tuza olmadi.
