Kattaqo‘rg‘onda urush qatnashchilariga Prezident tabrigi o‘qib eshittirildi
“9 may – Xotira va qadrlash kuni” munosabati bilan Kattaqo‘rg‘on tumanida istiqomat qilayotgan 2 nafar Ikkinchi jahon urushi qatnashchilariga davlatimiz rahbarining tabrik, mukofot va sovg‘alari yetkazildi.
Viloyat va tuman hokimligi mutasaddilari, sektor rahbarlari, harbiylar, faollar Bog‘ot mahallasida yashovchi 100 yoshli Rahmat bobo Qobilov va Tarnov mahallasida yashovchi 100 yoshli Rayim bobo Yusupov xonadoniga tashrif buyurib, davlatimiz rahbarining qimmatbaho sovg‘asi va 20 million so‘m bir martalik pul mukofotini topshirdi.
