Koronavirus qurbonlari soni bo‘yicha Braziliya ikkinchi o‘ringa ko‘tarildi

Braziliya koronavirus qurbonlari soni bo‘yicha Buyuk Britaniyani ortda qoldirib ikkinchi o‘ringa ko‘tarildi, bu haqda Reuters nashri ma’lum qildi.

So‘nggi ma’lumotlarga ko‘ra, bugungi kunga qadar lotin amerikasining ushbu mamlakatida jami 828810 nafar koronavirus holati qayd etilgan bo‘lib, 41828 nafar bemor vafot etgan. So‘nggi 24 soat ichida yangi kasallanganlar soni deyarli 26 ming nafarga oshgan va 909 nafar bemor koronavirus infeksiyasi oqibatida vafot etgan.

Oldinroq Braziliya hukumati sog‘liqni saqlash saytida koronavirus haqida berib boriladigan kunlik ma’lumotlar berilishini to‘xtatgan edi. Mamlakat Prezidenti Jair Bolsonaruning so‘zlariga ko‘ra, taqdim etilayotgan kunlik ma’lumotlar haqiqiy holatni aniq ko‘rsata olmagan.