“Oltin qalam” XVIII Milliy mukofoti uchun xalqaro tanlovning g‘olib va sovrindorlarini tantanali taqdirlash marosimi boshlandi
Dastlab “Oltin qalam” Milliy mukofoti tashkiliy qo‘mitasi raisi, O‘zbekiston Jurnalistlar uyushmasi raisi vazifasini bajaruvchi Xolmurod Salimov bu yilgi “Oltin qalam” tanlovi haqida ma’lumot berdi.
An’anaga ko‘ra, mukofotlarni topshirish uchun dastavval navbat xalqaro hamkorlarga berildi. Xitoy Xalq Respublikasining mamlakatimizdagi elchixonasi ta’sis etgan nominatsiyalar g‘oliblarini Xitoy Xalq Respublikasining O‘zbekistondagi elchixonasi maslahatchisi janob Chi Junlin, elchixona attashesi janob Chen Sinyan e’lon qildi.
“Xitoy haqidagi eng yaxshi reportaj uchun” nominatsiyasi g‘olibi –Xitoyning “CGTN Russkiy” va Ozarbayjonning “CBC” telekanallarining O‘zbekistondagi maxsus muxbiri Barchinoy Jo‘rayeva.
“O‘zbekiston va Xitoy o‘rtasidagi hamkorlik yoritilgan eng yaxshi kontent uchun” nominatsiyasi g‘olibi – “O‘zbekiston” jurnali bosh muharriri Asadbek Bobojanov.
